Nordhordland og Sunnhordland

Bømlopakken

Bømlopakken har bidrege til ein vesentleg betre vegstandard som har betra framkome og trafikktryggleik på Bømlo. Stortinget gjekk 20. desember 2021 inn for revidert Bømlopakke. Vedtaket er i tråd med dei lokalpolitiske vedtaka for å byggje ut tre prosjekt frå den opphavelege Bømlopakken i tillegg til ei ramme til mindre utbetringar på fylkesvegnettet.

Nordhordlandspakken

Nordhordlandsregionen er ein region i vekst både som bustad- og arbeidsmarknad. Vegnettet er i dag ikkje tilpassa til å møte denne veksten. Framkomsten for næringstransporten er dårleg på mange delstrekninger.

Fv. 565 Alversundbrua

Alversundbrua på fv. 565 er smal og lysregulert, og treng omfattande vedlikehald. Planarbeidet for ny bru er i gang.

Fv. 57 Lindås tettstad–Mongstad

Planarbeidet gjeld utbetring av eksisterande fylkesveg 57 frå Lindås tettstad til Mongstad, samt etablering av parallell gang- og sykkelveg. Føremålet med planarbeidet er å fastleggje plassering og utforming av køyreveg, kryssløysingar, gang-sykkelveg og samstundes sikre areal til gjennomføring av prosjektet.

Fv. 57 Skodvin–Vågseidet, gang- og sykkelveg

Prosjektet strekk seg frå Skodvin i sør til Vågseidet i nord og omfattar utarbeiding av reguleringsplan for en ny gang- og sykkelveg langs fylkesvegen.

Fv. 548 Skånevik-Flesjo

I planarbeidet er er føremålet å betre framkome og gjera vegen tryggare for mjuke trafikantar. Det er planlagt fortau mellom Skånevik sentrum og kryss til Ytre Nes. Det er ein god del bebyggelse tett på vegen og langs deler av strekninga, utfordringar med skredfare, naturmangfald, bratte skjæringar og stadvis bratt terreng rett i fjorden gjer at planarbeidet har vore tidkrevjande.

Fv. 5476 Kvamsbrekko

Utbygginga er ei utbetring av fylkesveg 5476 på strekninga Kvamme–Kvamsvågen. Dette er fyrste del av ein større reguleringsplan frå Kvamme til krysset ved kommunal veg ved Fossavatnet.

Tunneloppgradering i Vestland